ბოლო 24 საათში ქვეყანაში კორონავირუსის 528 ახალი შემთხვევა გამოვლინდა და 4 ადამიანი გარდაიცვალა. საქართველოს მთავრობის ინფორმაციით, Covid-19-ის 528 შემთხვევა 20 903 ტესტის საფუძველზე გამოვლინდა, რომელთაგან 14 296 ანტიგენის, 6 607 კი PCR ტესტი იყო.
რაც შეეხება დადებითობის მაჩვენებელს, 22 მარტის მდგომარეობით, დადებითობის დღიური მაჩვენებელი არის 2.53%, ბოლო 14 დღის მანძილზე – 1.61%, ხოლო 7 დღის მანძილზე – 1.82%. ქვეყანაში კორონავირუსის გავრცელებიდან დღემდე გამოვლენილი დადასტურებული შემთხვევების საერთო რაოდენობა 278 178-ს შეადგენს. ქვეყანაში ვირუსს, ჯამში, 3 714 ადამიანი ემსხვერპლა.
დღეს გამოვლენილი ინფიცირების შემთხვევები რეგიონების მიხედვით ასე ნაწილდება:
- თბილისში – 265
- აჭარა – 42
- იმერეთი – 84
- ქვემო ქართლი – 31
- შიდა ქართლი – 20
- გურია – 19
- სამეგრელო – ზემო სვანეთი – 26
- კახეთი – 17
- მცხეთა-მთიანეთი – 13
- სამცხე-ჯავახეთი – 2
- რაჭა-ლეჩხუმი და ქვემო სვანეთი – 9.
