„პირბადის გარეშე მგზავრობის შემთხვევაში, მძღოლი ვალდებულია არ დაძრას ავტობუსი“, – აცხადებს თბილისის მერია.
8 თებერვლიდან მუნიციპალური ტრანსპორტი აღდგება და ძალაში რჩება პირბადით გადაადგილების აუცილებლობა.
ავტობუსების მსგავსად, პირბადის გარეშე არც თბილისის მეტროსადგურებში დაიშვებიან მგზავრები.
„ავტობუსებში კვლავ აკრაძალული იქნება გათბობა-გაგრილების სისტემის ჩართვა. ყველა რეკომენდაცია, რომელიც მიზნად ისახავს ვირუსის გავრცელების პრევენციას, მკაცრად გაკონტროლდება კომპანიის შესაბამისი სამსახურების მიერ“, – წერია მერიის მიერ 7 თებერვალს გავრცელებულ პრესრელიზში.
უწყებათაშორისი საკოორდინაციო საბჭოს გადაწყვეტილებით, 8 თებერვლიდან მუნიციპალურ ტრანსპორტზე დაწესებული შეზღუდვები იხსნება. თბილისის მეტრო (გამონაკლისია მხოლოდ მ/ს „გოცირიძე“) და მუნიციპალური ავტობუსები 21:00 საათამდე, მგზავრთა მომსახურებას ჩვეულ რეჟიმში განაახლებენ.
ტრანსპორტზე შეზღუდვა შენარჩუნდება შაბათ-კვირის დღეებში.