ოზურგეთში, 9 აპრილის ქუჩაზე, შემოქმედი ეპარქიის წმინდა ნინოს დედათა მონასტერში, ცეცხლი გაჩნდა. შემთხვევა 2 იანვარს, გამთენიისას მოხდა.
შემოქმედის ეპარქიის ინფორმაციით, ხანძარი წმინდა ნინოს დედათა მონასტრის საცხოვრებელი კომპლექსის მეორე სართულს გაუჩნდა.
“დაიწვა კელიები მთლიანად”, – წერს ეპარქია.
როგორც “ნეტგაზეთს” საგანგებო სიტუაციების მართვის სამსახურში განუცხადეს, ადგილზე 3 ეკიპაჟი მუშაობდა და ხანძარი უკვე ლიკვიდირებულია. არავინ დაშავებულა.
ფოტო: არქივიდან