ნეტგაზეთი | გორელ ახალგაზრდას 49-ე დღეა უშედეგოდ ეძებენ გორელ ახალგაზრდას 49-ე დღეა უშედეგოდ ეძებენ – Netgazeti
RU | GE  

გორელ ახალგაზრდას 49-ე დღეა უშედეგოდ ეძებენ

გორში მცხოვრებ გიორგი ნონაშვილს პოლიცია უკვე 49-ე დღეა უშედეგოდ ეძებს.

როგორც ოჯახის წევრები ამბობენ, იგი სახლიდან 11 ნოემბერს ხელფასის ასაღებად გავიდა, თუმცა მას შემდეგ აღარავის უნახავს.

გიორგი ნონაშვილის ოჯახის წევრებს არ აქვთ კონკრეტული ვერსია, თუ რა შეიძლება იყოს მისი გაუჩინარების მიზეზი.

“კონფლიქტი არავისთან ჰქონია, ყველა დადებითად ახასიათებს. არც ჩხუბი უყვარდა. გამოძიება დაწყებულია, მართალია, ამ დრომდე არაფერი ხელჩასაჭიდი არ გამოვლენილა, თუმცა პოლიციაც და სამძებრო-სამაშველო სამსახურიც ყველაფერს აკეთებენ, რაც შეუძლიათ”, – უთხრეს ნეტგაზეთს გაუჩინარებული ახალგაზრდის ოჯახის წევრებმა.

ნეტგაზეთს შინაგან საქმეთა სამინისტროში განუცხადეს, რომ ფაქტზე დაწყებულია გამოძება საქართველოს სისხლის სამართლის კოდექსის 143-ე მუხლით, რაც ადამიანის თავისუფლების უკანონო აღკვეთას გულისხმობს.

ფოტო გარეკანზე: გიორგი ნონაშვილი

იმ შემთხვევაში, თუ ფლობთ რაიმე სახის ინფორმაციას გაუჩინარებული ახალგაზრდის შესახებ, გთხოვთ, დარეკეთ ნომერზე 551157733

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com