ახალი ამბები | ,

მოქალაქეები მიუსაფარი ცხოველებისთვის საკვებსა და საჭირო ნივთებს აგროვებენ

26 დეკემბერი, 2020 | | 610
მოქალაქეები მიუსაფარი ცხოველებისთვის საკვებსა და საჭირო ნივთებს აგროვებენ

თბილისში, რუსთაველის მეტროსადგურთან, ცხოველთა უფლებადამცველები მიუსაფარი ცხოველებისთვის საკვებს აგროვებენ.

აქტივისტებმა ეს ინიციატივა სამი წლის წინ წამოიწყეს. ერთ-ერთი ორგანიზატორის, თიკო კვალიაშვილის თქმით, პანდემიის მიუხედავად, ადგილზე მრავალმა მოქალაქემ უკვე დატოვა წამლები და ცხოველებისთვის საჭირო სხვა ატრიბუტები.

“აღნიშნული აქცია აერთიანებს ცხოველთა მოყვარულ მოქალაქეებს.

ადამიანებს მოაქვთ საფენები, საკვები და ყველაფერი ის, რაც ცხოველებს სჭირდებათ. შემდეგ ამ ყველაფერს საქართველოს მასშტაბით ვანაწილებთ იმ ადამიანებთან, ვისაც ჰყავს ან ზრუნავენ ცხოველებზე სახლის გარეთ.

წელს განსაკუთრებულ პასუხისმგებლობას ვგრძნობ ამ აქციისადმი, ვინაიდან პანდემიამ ცხოველები მეტად მძიმე მდგომარეობაში ჩააგდო”, – უთხრა მან “ნეტგაზეთს”.

მოქალაქეებს აქციაში მონაწილეობა  18:00-მდე შეუძლიათ.

მასალების გადაბეჭდვის წესი