ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

ცხოველთა დაცვის საერთაშორისო ორგანიზაცია (OIPA) შეშფოთებას გამოთქვამს საქართველოში მიუსაფარი ცხოველების მართვის საკითხთან დაკავშირებით.

ორგანიზაციამ ოფიციალური წერილით მიმართა საქართველოს ხელისუფლებასა და დიპლომატიურ წარმომადგენლობებს, რომელშიც ითხოვს მიუსაფარი ცხოველების მართვის ამჟამინდელ პრაქტიკაზე მეტ გამჭვირვალობასა და სიტუაციაში გარკვევას.

ორგანიზაციის განცხადებით, ანგარიშებისა და დოკუმენტირებული მტკიცებულებების საფუძველზე გამოიკვეთა რამდენიმე ძირითადი პრობლემა, მათ შორის:

  • სტერილიზაციისთვის წაყვანილი ცხოველების პირვანდელ ბუნებრივ გარემოში დაუბრუნებლობა;
  • უკვე სტერილიზებული ძაღლების განმეორებითი დაჭერა;
  • ცხოველების გადაყვანა მათთვის შეუსაბამო ტერიტორიებზე;
  • ინფორმაციის არარსებობა მრავალი ცხოველის ადგილსამყოფელის შესახებ.

OIPA-მ თავის წერილში კომპეტენტურ ორგანოებს შემდეგი მოთხოვნებით მიმართა:

  • უზრუნველყონ სტერილიზაციისთვის წაყვანილი ცხოველების დაბრუნება მათ პირვანდელ საცხოვრებელ გარემოში;
  • თავი აარიდონ უკვე სტერილიზებული ცხოველების ზედმეტ და უსაფუძვლო დაჭერას;
  • გახადონ ინფორმაცია ცხოველების ადგილსამყოფელის შესახებ საჯარო და გამჭვირვალე.

ორგანიზაციის განცხადებით, აღნიშნული საკითხი სულ უფრო მეტ საერთაშორისო ყურადღებას იქცევს.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.