ნეტგაზეთი | ბოლნისში გამწვანებული ადგილიდან ნაძვი მოჭრეს და მოიპარეს ბოლნისში გამწვანებული ადგილიდან ნაძვი მოჭრეს და მოიპარეს – Netgazeti
RU | GE  

ბოლნისში გამწვანებული ადგილიდან ნაძვი მოჭრეს და მოიპარეს

ბოლნისის მერიის ინფორმაციით, მერაბ კოსტავას ქუჩაზე “ბოლნისის მუნიციპალიტეტის გამწვანების სამსახურის“ მიერ დარგული ქართული, ვერცხლისფერი ნაძვის ხე უცნობმა პირმა/პირებმა მოჭრეს და მოიპარეს. როგორც მერია აცხადებს, აღნიშნული ქმედება ეწინააღმდეგება საქართველოს კანონმდებლობას და წარმოადგენს დანაშაულს.

“თითოეულ მოქალაქეს ნათლად უნდა ესმოდეს, რომ მერია და მისი შესაბამისი სამსახურები ყოველდღიურად ჩვენი ქალაქისა და მუნიციპალიტეტის იერსახის გალამაზებისთვის აქტიურად მუშაობენ. ყველანი ერთად ვდილობთ ჩვენი მოქალაქეებისთვის სასიამოვნო, კომფორტული და ჯანსაღი გარემო შევქმნათ, ამ პროცესში კი უმნიშვნელოვანესია თითოეულმა მოქალაქემ გაიაზროს მისი სამოქალაქო ვალი, რომელიც საჯარო სივრცეში არსებული ნარგავებისა და ინფრასტრუქტურის მოფრთხილებას ითვალისწინებს”, – აცხადებს ბოლნისის მერია.

ბოლნისის მუნიციპალიტეტის მერია ფაქტს ვანდალიზმს უწოდებს და აღნიშნავს, რომ უკვე მიმდინარეობს კანონით გათვალისწინებული შესაბამისი ღონისძიებების გატარება

მუნიციპალიტეტის ცნობით, “მრავალწლიანი ნარგავების დაზიანება არასდროს დარჩება რეაგირების გარეშე”

ნეტგაზეთის მასალების სხვა გამოცემებში გადაბეჭდვის წესი
ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.