“პატრიოტმა ალიანსმა” მანდატების გაუქმების შესახებ პარლამენტში განცხადება შეიტანა. აღნიშნული ინფორმაცია “ნეტგაზეთს” პარტიის ერთ-ერთმა ლიდერმა გოჩა თევდორაძემ დაუდასტურა.
თევდორაძის თქმით, პარტიას საარჩევნო სიის ანულირების მოთხოვნით ცენტრალური საარჩევნო კომისიისთვის არ მიუმართავს, რადგან სიის 132-ვე წევრმა დაწერა განცხადება, რომლის თანახმადაც ისინი პარლამენტში არ შევლენ.
ცენტრალური საარჩევნო კომისიის მონაცემების თანახმად, “პატრიოტთა ალიანსმა” 2020 წლის საპარალამენტო არჩევნებზე 3.14% მიიღო და 4 საპარლამენტო მანდატი ერგო.
