ახალი ამბები

ღამის ცაზე სატურნის და იუპიტერის “დიდი შეერთება” პირველად 1226 წლის შემდეგ

21 დეკემბერი, 2020 • 2696
ღამის ცაზე სატურნის და იუპიტერის “დიდი შეერთება” პირველად 1226 წლის შემდეგ

მზის სისტემის ორი ყველაზე დიდი პლანეტა, სატურნი და იუპიტერი, 21 დეკემბერს ღამის ცაზე ერთმანეთთან ყველაზე ახლოს აღმოჩნდება 1 226 წლის შემდეგ.

იშვიათ ასტრონომიულ მოვლენაზე დაკვირვება შეუიარაღებელი თვალითაც იქნება შესაძლებელი. მოვლენას ჰქვია “დიდი შეერთება”. ამ დროს გაზის გიგანტები ერთმანეთთან იმდენად ახლოს აღმოჩნდებიან, რომ ღამის ცაზე აღიბეჭდებიან ერთ კაშკაშა მანათობელ სხეულად.

მოვლენა შთამბეჭდავი იმითიც იქნება, რომ მათ შორის მინიმალური დისტანციის მიღწევა ემთხვევა ზამთრის ნაბუნიობას, წლის ყველაზე ხანგრძლივ ღამეს.

ნასას ფოტოსიმულაცია 21 დეკემბერს სამხრეთ-დასავლეთ ჰორიზონტზე ციური სხეულების განლაგების შესახებ.

მისი დანახვა მზის ჩასვლის შემდეგ, სამხრეთ-დასავლეთ ჰორიზონტზე იქნება შესაძლებელი, ყველაზე ხანგრძლივად კი ეს პროცესი ეკვატორიდან გამოჩნდება.

როგორც “ნასა” წერს, მზის სისტემაში პლანეტები ერთმანეთის გასწვრივ რეგულარულად აღმოჩნდებიან ხოლმე. სატურნისა და იუპიტერის შემთხვევაში კი ეს 20 წელიწადში ერთხელ ხდება. მიუხედავად ამისა, დღევანდელი მოვლენა განსაკუთრებულია, რადგანაც ერთმანეთთან ასე ახლოს პლანეტები 400 წელია არ აღმოჩენილან და 800 წელია, რაც ეს ღამის ცაზე არ მომხდარა.
შესაბამისად, 1226 წლის შემდეგ,  2020 წელს,მოსახლეობის თითქმის სრული უმრავლესობისთვის ეს მოვლენა ღამის ცაზე შესამჩნევი იქნება.

მასალების გადაბეჭდვის წესი