ნეტგაზეთი | ჭოხონელიძე მგალობელი არ იყო, ეს იყო შეღავათი – დეკანოზი ანდრია ჯაღმაიძე ჭოხონელიძე მგალობელი არ იყო, ეს იყო შეღავათი – დეკანოზი ანდრია ჯაღმაიძე – Netgazeti
RU | GE  

ჭოხონელიძე მგალობელი არ იყო, ეს იყო შეღავათი – დეკანოზი ანდრია ჯაღმაიძე

მართლმადიდებელი ეკლესიის საპატრიარქოს პრესსამსახურის უფროსის, დეკანოზ ანდრია ჯაღმაიძის თქმით, მომღერალი თამრიკო ჭოხონელიძე მგალობელი არ იყო და ის შობის დღესასწაულზე მხოლოდ გამონაკლისის სახით გალობდა.

რამდენიმე დღის წინ თამრიკო ჭოხონელიძემ სატელევიზიო ეთერში თქვა, რომ მას შემდეგ, რაც მან სხვადასხვა ნიშნით ადამიანთა დისკრიმინაცია საჯაროდ დაგმო, საშობაო საგალობელის შესასრულებლად აღარ იწვევენ.

“თამრიკო, კარგია, რომ გალობდა, თუმცა ის არ არის მგალობელი. ეს იყო შეღავათი, გამონაკლისი. თამრიკოს გარდა სხვასაც უგალობია აქ”, – თქვა ჯაღმაიძემ.

ჟურნალისტმა დეკანოზს უთხრა, რომ ჭოხონელიძე 10 წლის განმავლობაში გალობდა საშობაოდ, რასაც სასულიერო პირმა ასეთი პასუხი გასცა:

“გასაგებია, მაინც გამონაკლისი იყო ეს. თამრიკო ხომ არ არის მგალობელი? მისი აქ მსახურებაზე გალობა იყო გამონაკლისი.

…სუხიშვილების ანსამბლმა ლასკალაში ჩაატარა კონცერტი 67 წელს. ეს არ ნიშნავს, რომ თუ დღეს აღარ ატარებს, ეს იმას არ ნიშნავს, რომ ვიღაცამ რაღაც…”

თამრიკო ჭოხონელიძე წლების განმავლობაში მონაწილეობდა სხვადასხვა კონცერტში, მათ შორის, ასრულებდა საშობაო საგალობლებს. 2019 წლის მაისში კი თქვა, რომ სექსუალური ნიშნით ადამიანთა დისკრიმინაცია დაუშვებელია, რის შემდეგაც კიბერბულინგის სამიზნე გახდა.

ჭოხონელიძის თქმით, დისკრიმინაციის დაგმობის გამო “დასაჯეს” და შობას აღარ იგალობებს

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან