საქართველოში ბოლო 24 საათში კორონავირუსის 2981 შემთხვევა დადასტურდა, გარდაიცვალა კიდევ 31 პაციენტი. ამის შესახებ ოფიციალური სტატისტიკა იუწყება.
მთავრობის მიერ შექმნილი საიტის, stopcov.ge-ს მონაცემებით, ამავე პერიოდში გამოჯანმრთელდა 2001 ადამიანი.
ეს პირველი შემთხვევაა რამდენიმე დღის განმავლობაში, როდესაც დღიურად გამოვლენილი შემთხვევათა რაოდენობა 3000-ზე ნაკლებია.
„პირველად ბოლო თვეების განმავლობაში, 17 ათასზე მეტი ტესტის პირობებში, ინფიცირების 3 000-ზე ნაკლები შემთხვევა გვაქვს. ეს გვაძლევს მხოლოდ და მხოლოდ ფრთხილი ოპტიმიზმის შესაძლებლობას“ ,- თქვა გახარიამ დღეს გამართულ სხდომაზე.
საქართეველოში 26 თებერვლიდან დღემდე კორონავირუსის 201 368 შემთხვევა დადასტურდა, რომელთაგან 169 282 გამოჯანმრთელდა, ხოლო 1953 გარდაიცვალა.