ნეტგაზეთი | დაპირისპირება პარლამენტთან: პოლიციამ 2 აქტივისტი დააკავა დაპირისპირება პარლამენტთან: პოლიციამ 2 აქტივისტი დააკავა – Netgazeti
RU | GE  

დაპირისპირება პარლამენტთან: პოლიციამ 2 აქტივისტი დააკავა

პარლამენტის უკანა შესასვლელთან მომხდარი დაპირისპირებისას პოლიციამ ორი ადამიანი დააკავა.

აქტივისტები ცდილობდნენ, შესასვლელთან აღმართულ რკინის ბარიერებზე წარწერები და სტიკერები განეთავსებინათ, რასაც პოლიციის წინააღმდეგობა მოჰყვა.

“მივდიოდით და უნდა გაგვეკეთებინა საბჭოთა კავშირის სიმბოლიკები აღნიშნულ რკინის ჯებირზე. პოლიცია მოიქცა ძალიან აგრესიულად და სამოქალაქო აქტივისტებს არ მისცა უფლება, რომ საკუთარი კონსტიტუციური უფლებით ესარგებლათ”, – უთხრა პროტესტის ერთ-ერთმა მონაწილემ “ტვ პირველს”.

შსს-ს ცნობით, ორივე დაკავებულის მიმართ გამოძიება ადმინისტრაციულ სამართალდარღვევათა კოდექსით, პოლიციისათვის წინააღმდეგობის გაწევის მუხლით მიმდინარეობს.

აქტივისტებმა რამდენიმე დღის წინაც სცადეს პარლამენტთან პროტესტის გამოხატვა ამავე ფორმით. პოლიცია მათ მაშინაც შეეწინააღმდეგა და ორი ადამიანი დააკავა. მესამე აქტივისტს მათი დაკავებისას პოლიციის ავტომობილის კარში ჩაყვა ხელი.

პარლამენტთან აქცია რამდენიმე დღეა, გრძელდება. აქტივისტებს, რომლებიც 2020 წლის საპარლამენტო არჩევნებს გაყალბებულად მიიჩნევენ, ადგილზე კარავი აქვთ გაშლილი.

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან