საქართველოში ბოლო 24 საათში კორონავირუსის 5450 ახალი შემთხვევა გამოვლინდა, გარდაიცვალა კიდევ 37 ადამიანი. ამის შესახებ მთავრობის ოფიციალური სტატისტიკა მოწმობს.
უწყება ამბობს, რომ ამავე პერიოდში გამოჯანმრთელდა 2 306 ადამიანი.
მთავრობის წარმომადგენლის თქმით, ინტენსიური ტესტირების ფარგლებში ბოლო 24 საათის განმავლობაში ჩატარდა 18 095 ტესტი, აქედან 7 716 ანტიგენი და 10 379 PCR.
“სწორედ ამის შედეგად, გამოვლენილია ვირუსით ინფიცირების 5 450 ახალი დადასტურებული შემთხვევა”, – დასძენს ბერდია სიჭინავა.
26 თებერვლიდან დღემდე საქართველოში კორონავირუსის 158 154 შემთხვევა დადასტურდა, რომელთაგან გამოჯანმრთელდა 129 210 ადამიანი, ხოლო გარდაიცვალა 1462.