ნეტგაზეთი | პატიმრებს ხანმოკლე პაემნისა და ამანათის უფლებებით სარგებლობა შეეზღუდათ პატიმრებს ხანმოკლე პაემნისა და ამანათის უფლებებით სარგებლობა შეეზღუდათ – Netgazeti
RU | GE  

პატიმრებს ხანმოკლე პაემნისა და ამანათის უფლებებით სარგებლობა შეეზღუდათ

დღეიდან, 28 ნოემბრიდან, ბრალდებულებსა და მსჯავრდებულებს ხანმოკლე პაემნით სარგებლობის უფლება 2021 წლის პირველ იანვრამდე შეუჩერდათ, ამანათების უფლებით კი ისინი 28 დეკემბრამდე ვერ ისარგებლებენ.  პენიტენციური სამსახური ცვლილებებს უწყებათშორისი საკოორდინაციო საბჭოს გადაწყვეტილებითა და ეპიდსიტუაციით ხსნის.

“მოცემული ცვლილებები შესაბამისობაშია ქვეყანაში არსებული ეპიდსიტუაციიდან გამომდინარე საქართველოს მთავრობის მიერ მიღებულ გადწყვეტილებებთან და მიზნად ისახავს covid-19-ის შესაძლო გავრცელების პრევენციას პენიტენციურ დაწესებულებებში”, – აცხადებს უწყება.

სამსახურის განცხადებით, შეზღუდვების მოქმედების ვადის შემდგომ გაგრძელებასთან ან მოხნასთან დაკავშირებით გადაწყვეტილებებს ეპიდსიტუაციიდან გამომდინარე, მთავრობის რეკომენდაციების შესაბამისად მიიღებს.

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან