ნეტგაზეთი | აზერბაიჯანმა ქელბაჯარის რაიონი დაიკავა | ყარაბაღის კონფლიქტი აზერბაიჯანმა ქელბაჯარის რაიონი დაიკავა | ყარაბაღის კონფლიქტი – Netgazeti
RU | GE  

აზერბაიჯანმა ქელბაჯარის რაიონი დაიკავა | ყარაბაღის კონფლიქტი

სომხეთსა და აზერბაიჯანს შორის მიღწეული შეთანხმების შესაბამისად, დღეს აზერბაიჯანული არმიის ნაწილები ქელბაჯარის რაიონში შევიდნენ. ინფორმაციას აზერბაიჯანული APA ავრცელებს.

აზერბაიჯანის თავდაცვის სამინისტროს ცნობით, მიმდინარეობს სხვადასხვა საინჟინრო და საგზაო პროცედურები, რათა უფრო მარტივად შეძლონ აზერბაიჯანელმა ჯარისკაცებმა მთიან რელიეფზე გადაადგილება. სამინისტროს ცნობით, ასევე მიმდინარეობს განნაღმვითი სამუშაოებიც.

ქელბაჯარის რაიონი, შეთანმხების მიხედვით, 15 ნოემბერს უნდა გადასცემოდა აზერბაიჯანულ მხარეს, თუმცა ევაკუაციისათვის ერევანმა დამატებით 10 დღე ითხოვა, რაც ბაქომ დააკმაყოფილა.

აღნიშნული რაიონი სომხეთის რესპუბლიკასა და მთიანი ყარაბაღის ავტონომიურ ოლქს შორის მდებარეობს. მასზე გადის სტრატეგიულად მნიშვნელოვანი გზა, რომელიც სომხურ ქალაქ ვარდენისს ჩრდილოეთ ყარაბაღთან აკავშირებდა. რაიონი ყარაბაღის პირველ ომამდე ძირითადად აზერბაიჯანული და ქურთული მოსახლეობით იყო დასახლებული და არ შედიოდა მთიანი ყარაბაღის ავტონომიურ ოლქში.

მხარეებს შორის მიღწეული შეთანხმების მიხედვით, ქელბაჯართან ერთად აზერბაიჯანს უკვე გადაეცა აღდამის რაიონიც, ხოლო ლაჩინის გადაცემა დაგეგმილია პირველი დეკემბრისთვის.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან. ელ-ფოსტა: zmenaghare@gmail.com