წერეთელზე, მიკროსაფინანსო ორგანიზაციაში მძევლად აყვანილი 6 პირი თავისუფალია.
როგორც “ნეტგაზეთს” შინაგან საქმეთა სამინისტროში განუცხადეს, სამართალდამცველების მიერ მოლაპარაკებების შედეგად მძევლად აყვანილი 11 ადამიანიდან 6 არის გათავისუფლებული, 5 კი რჩება ადგილზე.
საპატრულო პოლიციის დეპარტამენტის უფროსმა ვაჟა სირაძემ მანამდე თქვა, რომ შეიარაღებულ პირს 9 მძევალი ჰყავდა აყვანილი.
შინაგან საქმეთა სამინისტრო აცხადებს, რომ უწყების თანამშრომლები ამჟამად კვლავ აგრძელებენ მოლაპარაკებებს.