ნეტგაზეთი | მაკდონალდსის კორპორაციამ პრესტიჟული ჯილდო საქართველოს ფილიალის დირექტორს გადასცა მაკდონალდსის კორპორაციამ პრესტიჟული ჯილდო საქართველოს ფილიალის დირექტორს გადასცა – Netgazeti
RU | GE  

მაკდონალდსის კორპორაციამ პრესტიჟული ჯილდო საქართველოს ფილიალის დირექტორს გადასცა

მსოფლიო სარესტორნო ინდუსტრიაში საქართველომ კიდევ ერთი გამარჯვება მოიპოვა. მაკდონალდსის კორპორაციამ დაასახელა მსოფლიოს მასშტაბით სარესტორნო ქსელების გამარჯვებული მენეჯერები და მათ პრესტიჟული ჯილდო – Ray Kroc Awards (რეი კროკის ჯილდო) გადასცა. აღნიშნული ჯილდო მაკდონალდისის რესტორნების იმ მენეჯერების წვლილის აღიარებაა, რომლებიც რესტორნის საუკეთესო ფუქციონირებას, იქ მომუშავე გუნდის ეფექტურ და მომხმარებლის კმაყოფილებაზე ორიენტირებულ მუშაობას უზრუნველყოფენ, ასევე ზრუნავენ დასაქმებული ადამიანებისთვის საუკეთესო სამუშაო ატმოსფეროს შექმნაზე. მაკდონალდსის ფილოსოფია დირექტორების წახალისება და ბიზნესში მათი როლის ხაზგასმაა. გამარჯვებულები მსოფლიოს მასშტაბით მაკდონალდსის  36,000-ზე მეტი რესტორნის მენეჯერების მხოლოდ 1%-ს შეადგენენ.   

რეი კროკის ჯილდოს მფლობელები, უკვე ზედიზედ მეოთხე წელია, მაკდონალდსის ქართველი დირექტორები ხდებიან. წელს, მსოფლიოს მასშტაბით დასახელებულ 360 გამარჯვებულს შორის,  თბილისის მაკდონალდსის, ვაკის ფილიალის დირექტორი, 28  წლის ბესო მეფარიძე მოხვდა. 

ბესო მეფარიძე: „ეს ჯილდო არის იმ შრომის აღიარება, რაც როგორც საკუთარი თავის პიროვნული და პროფესიული ზრდისთვის, ასევე კომპანიის წინსვლისთვის მაქვს გაწეული. ეს არის ჩემთვის უდიდესი მოტივაცია, არ გავჩერდე და უკეთეს შედეგებს მივაღწიო”.

ბესომ მაკდონალდსში მუშაობა 18 წლის ასაკში დაიწყო. პირველი კურსის სტუდენტს სწავლისა და დასაქმების შეთავსება სურდა და ამის პირობები შრომით ბაზარზე მაკდონალდსმა შესთავაზა: „მაშინ ჯერ მხოლოდ 3 ფილიალი იყო და ერთ-ერთში მოვიკითხე ვაკანსია. ძალიან მალევე დავსაქმდი,  როგორც გუნდის რიგით წევრად. 3 თვეში ინსტრუქტორის პოზიციაზე გადამიყვანეს – ახალბედა თანამშრომლებს ვასწავლიდი მაკდონალდსში მუშაობის პრინციპებს, მომდევნო 6 თვეში უკვე სადგურის მენეჯერი გავხდი. ჩემი სამსახურეობრივ პოზიციებზე დაწინაურება სწრაფად ხდებოდა – ბოლო რამდენიმე წელში, რიგითი თანამშრომლიდან ფილიალის მენეჯერის ასისტენტობამდე მივაღწიე. დღეს კი, ვაკის ფილიალის დირექტორი ვარ და 80-მდე თანამშრომელს ვკურირებ.“ 

მაკდონალდსი ყველა ასაკისა და გამოცდილების მქონე ადამიანს დასაქმების შესაძლებლობას აძლევს.  ასევე, ინტენსიური ტრენინგებისა და ცოდნის გადაცემის გზით, ეხმარება თითოეულ დასაქმებულს, შეიძინონ თანამედროვე სამუშაო სივრცეში ყოველდღიური მუშაობის უნარ-ჩვევები, რაც მათ კარიერულ ზრდასა და წინსვლაში დაეხმარება. 

„მაკდონალდსში სრულიად გამოუცდელი ახალგაზრდა მივედი და ახლა, 28 წლის ასაკში, საერთაშორისო დონის მენეჯერის ცოდნა და უნარები მაქვს. გარდა პროფესიული ცოდნისა, პიროვნული ზრდის ყველანაირი შესაძლებლობა მომეცა და თუ დღეს შემდგარი და რეალიზებული ადამიანი ვარ, ეს არის დამსახურება იმ კომპანიის, რომლებსაც თანამშრომლების განვითარებაზე ორიენტირებული მიდგომები აქვს და ასევე იმ ადამიანების, ვის გარმოცვაშიც ეს წლები გავატარე”,- გვიყვება ბესო. 

აღსანიშნავია, რომ  რეი კროკის ჯილდო 2018 წელს იმ დროისათვის მაკდონალდსის გლდანის ფილიალის ახლა კი დიღმის ფილიალის დირექტორმა, სალომე კალაძემ მოიპოვა:

„მაკდონალდსის ძირითადი მოტივია, თანაბრად იზრუნოს ყველა თანამშრომლის განვითარებაზე“, – აღნიშნავს სალომე. “მაკდონალდსის კორპორაციის თითოეულ თანამშრომელს აქვს კარიერულ კიბეზე დაწინაურების შესაძლებლობა. კომპანია მუდმივად ზრუნავს, რომ თითოეულ დასაქმებულს ქონდეს სიახლის სწავლისა და პიროვნული განვითარების შესაძლებლობა და სხვადასხვა ტიპის წახალისება. ასევე მოქნილი სამუშაო განრიგი, რაც ხელს უწყობს თანამშრომლის სწავლის, პირადი ცხოვრებისა  და დასაქმების შეთავსებას.“ 

რეი კროკის სახელობითი ჯილდო 1994 წელს დაფუძნდა. ყოველწლიურად, Global Ray Kroc Awards აღნიშნავს მსოფლიოს საუკეთესო რესტორნების მენეჯერების ათეულებში დაჯილდოების ცერემონიას. როგორც აღინიშნა, ჯილდოს მიზანია აღიაროს მაკდონალდსის დირექტორების როლი მომხმარებლებისთვის მომსახურების მაღალი ხარისხის მიწოდების, სტუმართა კმაყოფილების მაღალი დონის შენარჩუნებისა და დასაქმებული ადამიანებისთვის საუკეთესო სამუშაო პირობების შექმნისა და განვითარების კუთხით. 

ნეტგაზეთის მასალების სხვა გამოცემებში გადაბეჭდვის წესი
ავტორი