„ნაციონლური მოძრაობის“ ერთ-ერთმა ლიდერმა ხატია დეკანოიძემ „ნეტგაზეთს“ განუცხადა, რომ ოპოზიციური პარტიების წარმომდგენლები 18 ნოემბერს, 16:00 საათზე, სავარაუდოდ, შეხვდებინ აშშ-ის სახელმწიფო მდივნის, მაიკ პომპეოს თანაშემწე ფილიპ რიკერს.
პომპეო თბილისში 17 ნოემბრის საღამოს ჩამოვიდა და 18 ნოემბერს დღის პირველ ნახევარში გაემგზავრა. ვიზიტის ფარგლებში პომპეო შეხვდა პრემიერ-მინისტრ გიორგი გახარიას, პრეზიდენტ სალომე ზურაბიშვილს, ილია II-ს და სამოქალაქო საზოგადოების წარმომადგენლებს.
ფილიპ რიკერი აშშ-ის სახელმწიფო მდივნის, მაიკ პომპეოს თანაშემწეა ევროპისა და ევრაზიის მიმართულებით. ხატია დეკანოიძემ გვითხრა, რომ თუკი ფილიპ რიკერთნ შეხვედრა შედგება, „ნაციონალური მოძრაობიდან“ გრიგოლ ვაშაძე დაესწრება.
