გაერთიანებული ოპოზიციის მაჟორიტარობის კანდიდატი ნანუკა ჟორჟოლიანი აკრიტიკებს “ნაციონალური მოძრაობის” ერთ-ერთი ლიდერის, გრიგოლ ვაშაძის განცხადებას ქვეყანაში მიმდინარე პოლიტიკურ პროცესებთან დაკავშირებით. აღნიშნულ განცხადებაში ვაშაძე ამბობს, რომ ქვეყანა “ძალზედ სახიფათო მდგომარეობაშია” და ოპოზიციას მოუწოდებს, ჩანაცვლდეს ქუჩა ყველა დონის საკანონმდებლო ორგანოების ტრიბუნით.
“რა ძალზედ სახიფათო? ახლა გაიგეთ, რომ კორონაა? ანუ, ბიძინას შედეგები სწორია? თუ არსებობენ ადამიანები, რომელთა მოტივაციაც მხოლოდ თბილი სავარძელია?! თურმე არიან! თუ ეს განცხადება მართალი აღმოჩნდება და ეს ადამიანი პარტიის თავმჯდომარედ დარჩება, მიმიფურთხებია ამ პარტიისთვის!”, – წერს ჟორჟოლიანი სოციალურ ქსელში.
რა ძალზედ სახიფათო? ახლა გაიგეთ რომ კორონაა? ანუ, ბიძინას შედეგები სწორია? თუ არსებობენ ადამიანები, რომელთა მოტივაციაც…
Posted by Nanuka Zhorzholiani on სამშაბათი, 10 ნოემბერი, 2020
ვაშაძის ზემოხსენებული განცხადება თავდპირველად “ნიუპოსტმა” გაავრცელა. ნეტგაზეთს “ნაციონალურ მოძრაობაში” დაუდასტურეს, რომ განცხადება ავთენტურია, თუმცა დამატებით დეტალებზე არ საუბრობენ.
ჩავანაცვლოთ ქუჩა ყველა დონის საკანონმდებლო ორგანოების ტრიბუნით — ვაშაძე