ახალი ამბები

ნათია მეზვრიშვილი თვითიზოლაციაში გადავიდა

2 ნოემბერი, 2020 • 1121
ნათია მეზვრიშვილი თვითიზოლაციაში გადავიდა

მთავრობის ადმინისტრაციის ხელმძღვანელი ნათია მეზვრიშვილი კორონავირუსით ინფიცირებულთან კონტაქტის გამო თვითიზოლაციაშია. ამის შესახებ მეზვრიშვილმა Facebook-ზე დაწერა.

როგორც მთარობის პრესსამსახურში ნეტგაზეთს უთხრეს, ამ დროისთვის ადმინისტრაციიდან იზოლაციაში მხოლოდ მეზვრიშვილი და გიორგი გახარია იმყოფებიან. ნეტგაზეთის კითხვაზე, ვინ შეასრულებს მეზვრიშვილის მოვალეობას, პრესსამახურში ამბობენ, რომ მას მოადგილეები ჰყავს, ასევე, შეუძლია დისტანციურ რეჟიმში იმუშაოს.

დღეს, 2 ნოემბერს, ეკონომიკის სამინისტრომ გაავრცელა ინფორმაცია, რომ კორონავირუსით ინფიცირებულთან კონტაქტის გამო იზოლაციაში ნათია თურნავაც გადავიდა. სამინისტროს ცნობითვე, ამ ეტაპზე მინისტრს Covid-19-თვის დამახასიათებელი სიმპტომები არ აქვს და თავს კარგად გრძნობს. მანამდე პრემიერ-მინისტრმა Facebook-ზე დაწერა, რომ თვითიზოლაციაში გადადის, რადგან მის თანამშრომელს Covid-19 დაუდასტურდა, რომელთანაც წინა დღეს ხანგრძლივი კომუნიკაცია ჰქონდა.

მასალების გადაბეჭდვის წესი