ბოლო 24 საათში გამოვლენილი Covid-19-ის 1824 შემთხვევიდან ყველაზე მეტი, 712, კვლავ თბილისში დაფიქსირდა. თბილისის შემდეგ 545 შემთხვევით აჭარის რეგიონი მოდის. იმერეთში ინფიცირების 305 შემთხვევა დაფიქსირდა.

რეგიონების მიხედვით ახალი შემთხვევები ასე ნაწილდება:

• სამეგრელო-ზემო სვანეთი – 63
• ქვემო ქართლი – 48
• მცხეთა-მთიანეთი – 22
• შიდა ქართლი – 56
• გურია – 24
• კახეთი – 23
• სამცხე-ჯავახეთი – 22
• რაჭა-ლეჩხუმი – 4

დღეს, 27 ოქტომბერს, საქართველოში კორონავირუსით გარდაცვალების ყველაზე მაღალი დღიური მაჩვენებელი დაფიქსირდა, 24 საათში Covid-19-ით 23 პაციენტი გარდაიცვალა და მათი რაოდენობა, ჯამში, 238 გახდა. 26 თებერვლის შემდეგ ქვეყანაში კორონავირუსის 32 127 შემთხვევაა დაფიქსირებული, მათგან 12 632 პაციენტი ვირუსისგან გამოჯანმრთელდა.