ნეტგაზეთი | შსს მობილური ოპერატორებისა და მედიისგან ზუგდიდიდან ლაივის გათიშვას ითხოვს შსს მობილური ოპერატორებისა და მედიისგან ზუგდიდიდან ლაივის გათიშვას ითხოვს – Netgazeti
RU | GE  

შსს მობილური ოპერატორებისა და მედიისგან ზუგდიდიდან ლაივის გათიშვას ითხოვს

შს მინისტრის პირველი მოადგილე, კახაბერ საბანაძე მოუწოდებს მედიასა და ოპერატორებს, ლაივ სიგნალი გათიშოს, – „წინააღმდეგ შემთხვევაში, სახელმწიფო იტოვებს უფლებას, გამოიყენოს კანონმდებლობით არსებული ყველა ბერკეტი“.

საბანაძემ დღევანდელ ბრიფინგზე თქვა, რომ მედიასაშუალებებმა პირდაპირ ეთერში გაუშვეს თავდამსხმელისა და მძევლების ამსახველი ვიდეოკადრები, რაც საფრთხის შემცველია.

„აღნიშნულიდან გამომდინარე, ყველა მედიასაშუალებას, მათ შორის, მობილური ოპერატორებისგან მოვითხოვთ კატეგორიულად – მძევლების, სამართალდამცავებისა და მოქალაქეების უსაფრთხოების დაცვის მიზნით, ასევე, საპოლიციო ღონისძიებების ეფექტიანად წარმართვის მიზნით, მოხდეს ლაივ სიგნალის გათიშვა-შეზღუდვა.

წინააღმდეგ შემთხვევაში, სახელმწიფო იტოვებს უფლებას, გამოიყენოს კანონმდებლობით არსებული ყველა ბერკეტი, რათა მოხდეს აღნიშნულის უზრუნველყოფა“, – ამბობს ის და ამატებს, რომ მაქსიმალური კეთდება მოქალაქეების უსაფრთხოებისთვის.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან