ბოლო 24 საათში საქართველოში კორონავირუსის 1 194 ახალი შემთხვევა გამოვლინდა და ინფიცირებულთა რაოდენობა 19857 გახდა. მათგან გამოჯანმრთელდა 8666 პაციენტი. შესაბამისად, ქვეყანაში კორონავირუსის 10 182 აქტიური შემთხვევა ფიქსირდება. ბოლო 24 საათში Covid-19-ით კიდევ 15 ადამიანი გარდაიცვალა. შედეგად, დაღუპულთა რაოდენობა 158-მდე გაიზარდა. მათგან 7 პაციენტი თბილისში, 4- ბათუმში, 2- ქუთაისში, ერთი -მცხეთაში და ერთიც გორში გარდაიცვალა.
StopCov-ის თანახმად, დღეის მდგომარეობით სტაციონარში მეთვალყურეობის ქვეშ 2862 პაციენტი იმყოფება, კოვიდ სასტუმროში კი 1420 მკურნალობს. მთავრობის ინფორმაციით, Covid-19-ის ახალი შემთხვევებიდან ყველაზე მეტი, 425 თბილისში გამოვლინდა, შემდეგ მოდის იმერეთი 372 ინფიცირებულით.
გამოვლენილი შემთხვევები რეგიონების მიხედვით ასე ნაწილდება:
- აჭარა – 193
- გურია – 21
- სამეგრელო-ზემო სვანეთი – 27
- ქვემო ქართლი – 53
- შიდა ქართლი – 64
- მცხეთა-მთიანეთი – 18
- კახეთი – 3
- რაჭა-ლეჩხუმი – 9
- სამცხე-ჯავახეთი – 9
