ნეტგაზეთი | საფეხბურთო კლუბ გურიას წევრს კორონავირუსი დაუდგინდა საფეხბურთო კლუბ გურიას წევრს კორონავირუსი დაუდგინდა – Netgazeti
RU | GE  

საფეხბურთო კლუბ გურიას წევრს კორონავირუსი დაუდგინდა

საფეხბურთო კლუბ ლანჩხუთის გურიას ერთ-ერთ მწვრთნელს კორონავირუსი დაუდგინდა. ამის შესახებ ნეტგაზეთს ლანჩხუთის საზოგადოებრივი ჯანდაცვის ცენტრის ხელმძღვანელმა, ეპიდემიოლოგმა ნატო მენაღარიშვილმა განუცხადა.

“ვირუსით ინფიცირებული პაციენტი უკვე გადაყვანილია ბათუმში, სამკურნალო დაწესებულებაში. გუნდის დანარჩენი წევრები იმყოფებიან თვითიზოლაციაში და კლინიკური სიმპტომების გამოვლენის შემთხვევაში ჩაუტარდებათ ტესტირება” ,- განაცხადა მენაღარიშვილმა.

მისი თქმით, ინფიცირებული პაციენტის მდგომარეობა მსუბუქია.


16 ოქტომბრის 11:00 საათის მონაცემებით, საქართველოში კორონავირუსის 887 შემთხვევა გამოვლინდა და ინფიცირებულთა საერთო რიცხვმა 15 327-ს მიაღწია.

გარდა ამისა, ბოლო 24 საათში გარდაიცვალა 11 პაციენტი.  ქვეყანაში კორონავრიუსით, ჯამში, 124 ადამიანია გარდაცვლილი.

დღევანდელი მონაცემებით, 246-ით გაიზარდა გამოჯანმრთელებულთა რაოდენობა და გახდა 7 613. აქტიური შემთხვევების რაოდენობამ 7 714-ს მიაღწია. ინფიცირებულთა ნაწილი ბინაზე, კოვიდსასტუმროებსა და კლინიკებში აგრძელებს მკურნალობას.

კარანტინის რეჟიმში მოთავსებულია 5 721 პირი.

*ფოტო გარეკანზე საფეხბურთო კლუბი ,,გურია” ლანჩხუთი/fc Guria Lanchkhuti

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com