ნეტგაზეთი | სამადაშვილი: სამწუხაროა, რომ უგულავა იაფფასიანი სერიალების იმიჯებით აზროვნებს სამადაშვილი: სამწუხაროა, რომ უგულავა იაფფასიანი სერიალების იმიჯებით აზროვნებს – Netgazeti
RU | GE  

სამადაშვილი: სამწუხაროა, რომ უგულავა იაფფასიანი სერიალების იმიჯებით აზროვნებს

“ერთიანი ნაციონალური მოძრაობის” წევრი სალომე სამადაშვილი “ევროპული საქართველოს” ლიდერის, გიგი უგულავას მერ მიხეილ სააკაშვილზე გაკეთებულ განცხადებას პასუხობს.

სამადაშვილის თქმით, მისთვის გაუგებარია, რომელი ოპოზიციური ერთობის დაშლაში ადანაშაულებს გიგი უგულავა მათი პარტიის ლიდერს და პრემიერ-მინისტრობის კანდიდატს და წუხს, რომ უგულავა საკუთარი ქვეყნის მომავალზე იაფფასიანი სერიალებით აზროვნებს:

“მაინცდამაინც კარგად არ მესმის, რომელი ოპოზიციური ერთობის დაშლაში ადანაშაულებს ბატონი უგულავა სააკაშვილს. მაგალითად, გიორგი ვაშაძემ მიიღო გადაწყვეტილება დაეტოვებინა “ძალა ერთობაშია” საკუთარი გადაწყვეტილებით. ასევე, არ არის სიმართლე, რომ ერთიანობა ოპოზიციის ვერ შედგა, ჩვენ გაერთიანებული ვართ ძალიან მნიშნველოვანი თემების გარშემო. ძალიან სამწუხაროა, რომ ჩემი ბავშვობის მეგობარი და ყოველთვის მაღალი ინტელექტით გამორჩეული გიგი უგულავა რაღაც იაფფასიანი სერიალების იმიჯებით აზროვნებს საკუთარი ქვეყნისა და საკუთარი სამშობლოს მომავალზე” ,- ამბობს სალომე სამადაშვილი.

მანამდე, გიგი უგულავამ სოციალურ ქსელ ფისბუკში ვიდეო-მიმართვა გაავრცელა, სადაც სააკაშვილი ოპოზიციის ერთიანი ფორმატის დანგრევაში დაადანაშაულა და სერიალ “სატახტოთა თამაშების” პერსონაჟს, სერსეი ლანისტერს შეადარა.

უგულავა: სააკაშვილი სერსეი ლანისტერივით მოიქცა, ოპოზიციის ერთობას ზურგში დანა ჩაარტყა

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.