თბილისის ინფექციური საავადმყოფოს წარმომადგენლის, მარინა ენდელაძის თქმით, თბილისში კორონავირუსის ახალი შემთხვევების რაოდენობამ იმატა და 8 ოქტომბრის მონაცემებით, ბოლო 24 საათში დედაქალაქში ვირუსი 132 ადამიანს დაუდასტურდა. აჭარაში კი შემთხვევების რაოდენობამ იკლო და ბოლო 24 საათში კოვიდ-19 230 ადამიანს დაუდგინდა.

ენდელაძის თქმით, კორონავირუსის შემთხვევები რეგიონების მიხედვით შემდეგნაირად ნაწილდება:

• თბილისი – 134;
• აჭარა – 230;
• იმერეთი – 68;
• სამცხე-ჯავახეთი – 8;
• ქვემო ქართლი – 8;
• სამეგრელო, ზემო სვანეთი – 8;
• შიდა ქართლი – 6;
• კახეთი – 5;
• მცხეთა-მთიანეთი – 5.

ენდელაძის თქმით, ამ დროისთვის საქართველოს მასშტაბით კორონავირუსის 4 672 აქტიური შემთხვევაა, აქედან 60 პაციენტი კრიტიკულია, მათ შორის, 59 მართვით სუნთქვაზეა.

ამასთან, ბოლო 24 საათის განმავლობაში საქართველოში კორონავირუსით 3 პაციენტი გარდაიცვალა. ენდელაძის თქმით, სამივე მათგანი აჭარიდანაა.