თბილისის ინფექციური საავადმყოფოს ექიმის, მარინა ენდელაძის ინფორმაციით, 3 ოქტომბრის მონაცემებით, საქართველოში კორონავირუსის 471 შემთხვევა გამოვლინდა. შემთხვევების უმრავლესობა კვლავ აჭარაშია. ახალი შემთხვევების რეგიონული განაწილება ასეთია:
- აჭარა – 360 პაციენტი;
- თბილისი – 57;
- სამეგრელო-ზემო სვანეთი – 22;
- იმერეთი – 11;
- ქვემო ქართლი – 6;
- კახეთი – 6;
- გურია – 5;
- მცხეთა-მთიანეთი – 3;
- სამცხე-ჯავახეთი – 1.
ბოლო 24 საათში საქართველოში კორონავირუსის 471 ახალი შემთხვევა გამოვლინდა და დადასტურებული შემთხვევების რაოდენობა 7 564-მდე გაიზარდა. მათგან გამოჯანმრთელდა 3 992 პაციენტი. Covid-19-ით ქვეყანაში კიდევ ორი ადამიანი გარდაიცვალა და მათი რაოდენობა, ჯამში, 48 გახდა. ამჟამად აქტიური პაციენტების რიცხვი 3 500-ს აჭარბებს, საიდანაც 1 100 კოვიდსასტუმროებშია მოთავსებული, დანარჩენები კი კლინიკებში მკურნალობენ.