თბილისის ინფექციური საავადმყოფოს წარმომადგენლის, მარინა ენდელაძის თქმით, ამ დროისთვის ქვეყანაში კორონავირუსის 3 155 აქტიური შემთხვევაა, რომელთაგან 35 პაციენტის მდგომარეობა კრიტიკულად მძიმეა.
როგორც ენდელაძემ განაცხადა, აქედან 33 პაციენტი მართვით სუნთქვაზე იმყოფება. მისივე თქმით, მართვით სუნთქვაზე მყოფი პაციენტებიდან 9 ოკუპირებული აფხაზეთიდანაა გადმოყვანილი.
საქართველოში ბოლო 24 საათში კორონავირუსის 448 ახალი შემთხვევა გამოვლინდა და კორონავირუსის დადასტურებულ შემთხვევათა რაოდენობა 6640 გახდა. ამის შესახებ ინფორმაცია stopcov.ge-ზეა მოცემული.
ამავე ვებგვერდის მონაცემებით, გამოჯანმრთელებულია 299 პაციენტი და მათი რაოდენობა 3419 გახდა.
ბოლო მონაცემებით, ქვეყანაში კორონავირუსით გარდაცვლილია 39 ადამიანი, კარანტინის რეჟიმშია 5392, სტაციონარში მეთვალყურეობის ქვეშ – 836
კოვიდ სასტუმროში იმყოფება 1100 პირი.