ნეტგაზეთი | ხაიშის სკოლის ორ მოსწავლეს კორონავირუსი დაუდასტურდა ხაიშის სკოლის ორ მოსწავლეს კორონავირუსი დაუდასტურდა – Netgazeti
RU | GE  

ხაიშის სკოლის ორ მოსწავლეს კორონავირუსი დაუდასტურდა

ხაიშის სკოლის ორ მოსწავლეს კორონავირუსი დაუდასტურდა. როგორც ჟურნალისტებს სამეგრელო-ზემო სვანეთის სახელმწიფო რწმუნებულის მოვალეობის შემსრულებელმა მალხაზ თორიამ განუცხადა, მოსწავლეების ინფიცირების წყარო ქობულეთიდან მოწვეული მასწავლებელია, რომელსაც კორონავირუსი აღმოაჩნდა.

მალხად თორიას განცხადებით, ამ დროისთვის ხაიშის სკოლა სრულად გადავიდა დისტანციურ სწავლებაზე.

საქართველოში 23 სექტემბერს კორონავირუსის 227 ახალი შემთხვევა გამოვლინდა და ინფიცირების შემთხვევათა რაოდენობა 4 140 გახდა, მათ შორის, გარდაცვლილია 25 ადამიანი.

69-ით გაიზარდა გამოჯანმრთელებულთა რაოდენოდა და 1 643 გახდა. ამ დროისთვის საქართველოში კორონავირუსის 2 500-მდე აქტიური შემთხვეაა, საიდანაც 640 კოვიდ სასტუმროებშია მოთავსებული (უსიმპტომო პაციენტები), დანარჩენებს კი კლინიკებში მკურნალობენ.

ნეტგაზეთის მასალების სხვა გამოცემებში გადაბეჭდვის წესი
ავტორი