ინფექციური საავადმყოფოს ექიმის, მარინა ენდელაძის თქმით, 218 ახალი შემთხვევიდან ყველაზე მეტი მაჩვენებელი კვლავ აჭარაში ფიქსირდება. მეორე ადგილს 47 ინფიცირებულით თბილისი იკავებს. ბოლო 24 საათში გამოვლენილი შემთხვევები რეგიონების მიხედვით ასე ნაწილდება:
- აჭარა – 137
- თბილისი – 47
- სამეგრელო-ზემო სვანეთი – 6
- იმერეთი – 26
- გურია – 2
22 სექტემბერს, საქართველოში პირველი შემთხვევის დაფიქსირების შემდეგ, ყველაზე მაღალი დღიური მაჩვენებელი გამოვლინდა და ინფიცირებულთა საერთო რაოდენობამ 3 913-ს მიაღწია. მათგან ვირუსისგან გამოჯანმრთელდა 1 574 ადამიანი, შესაბამისად, ამ დროისთვის ქვეყანაში კორონავირუსის 2 291 აქტიური შემთხვევაა. საქართველოში Covid-19-ით 22 პაციენტი გარდაიცვალა.
