ქუთაისის 24-ე სკოლის დირექტორს, ბუღალტერსა და საქმეთა მმართველს კორონავირუსი დაუდასტურდათ. აღნიშნული ინფორმაცია “ნეტგაზეთს” 24-ე სკოლის დირექტორმა ელიზბარ ბარბაქაძემ დაუდასტურა.
მისივე თქმით, ინფიცირების წყარო ქუთაისის 32-ე სკოლის ბუღალტერია, რომელთანაც 24-ე სკოლის დირექტორს კონტაქტი ჰქონდა.
როგორც ელიზბარ ბარბაქაძემ განაცხადა, ამ დროისათვის ყველა კონტაქტი მოძიებულია და კონტაქტების გამოკვლევის შედეგად კორონავირუსი არავის დადასტურებია.
ქუთაისის 32-ე სკოლის 20-ზე მეტ თანამშრომელს კორონავირუსი რამდენიმე დღის წინ დაუდასტურდა.
