ნეტგაზეთი | 10 სექტემბრიდან ქორწილები და ქელეხები იკრძალება 10 სექტემბრიდან ქორწილები და ქელეხები იკრძალება – Netgazeti
RU | GE  

10 სექტემბრიდან ქორწილები და ქელეხები იკრძალება

მთავრობის გადაწყვეტილებით, 10 სექტემბრიდან ისეთი სოციალური ღონისძიებები, როგორებიცაა ქელეხები და ქორწილები, იკრძალება. როგორც დღეს გამართულ ბრიფინგზე მთავრობის ადმინისტრაციის ხელმძღვანელმა ნათია მეზვრიშვილმა განაცხადა, ამ გადაწყვეტილების მიზეზი მძიმე ეპიდემიულოგიური ვითარება გახდა.

“უკვე ხვალიდან ეს სოციალური ღონისძიებები აიკრძალება. ფაქტობრივად ვუბრუნდებით იმ შეზღუდვებს, რომელიც აქამდე არსებობდა, იგულისმება ქორწილები, ქელეხები და იუბილეები. მოგეხსენებათ, დღეის მდგომარეობით, დახურულ სივრცეში ეს შეზღუდვა ისედაც მოქმედებს, თუმცა ხვალიდან შეზღუდვა ღია სივრცეებზეც გავრცელდება,”-ამბობს მეზვრიშვილი.

უკვე რამდენიმე დღეა, საქართველოში კორონავირუსის შემთხვევები სწრაფად იზრდება და დღეში 40-ზე მეტ ადამიანს უდასტურდება ვირუსის არსებობა.

დღესვე ასევე ცნობილი გახდა, რომ იკრძალება სპორტული და კულტურული ღონისძიებები, რომელშიც 200-ზე მეტი ადამიანი მონაწილეობს. გარდა ამისა, თბილისში, ქუთაისსა და ბათუმში სასტუმროებში გადაიყვანენ და იქ უმკურნალებენ კორონავირუსით ინფიცირებულ მსუბუქ პაციენტებს.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.