შინაგან საქმეთა სამინისტრო იუწყება, რომ კახეთის პოლიციამ პანკისის ხეობაში ჩაცმულობის გამო დაწყებული ურთიერთშელაპარაკების ამბავთან დაკავშირებით კიდევ ერთი პირი დააკავა — 2002 წელს დაბადებული ა.ბ.
20 აგვისტოს შსს-მ განაცხადა, რომ იმავე ფაქტზე მოსამართლის განჩინების საფუძველზე დააკავეს 1998 წელს დაბადებული ი.ფ.
გამოძიებით თანახმად, 8 აგვისტოს სოფელ ყვარელწყალში 49 წლის კაცსა და მის არასრულწლოვან შვილს ბრალდებულებმა სიტყვიერი და ფიზიკური შეურაცხყოფა მიაყენეს.
„დაპირისპირების მიზეზი ჩაცმულობის გამო დაწყებული ურთიერთშელაპარაკება გახდა“, – წერს შსს.
სამინისტროს თანახმად, „გრძელდება საგამოძიებო ღონისძიებები ინციდენტში მონაწილე სხვა პირთა პასუხისმგებლობის განსაზღვრის მიზნით“.
გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.
პანკისში სავარაუდოდ ჩაცმულობის გამო ცემის ამბავზე ერთი პირი დააკავეს