21 აგვისტოს მონაცემებით, საქართველოში ბოლო 24 საათში კორონავირუსის 15 ახალი შემთხვევა გამოვლინდა, 20 პაციენტი კი გამოჯანმრთელდა.
ინფექციური საავადმყოფოს სამედიცინო დირექტორის, მარინა ეზუგბაიას თქმით 15 დადასტურებული შემთხვევიდან 4-ის წყარო ლენჯერია, 6 პაციენტის წყარო არის დადასტურებულ შემთხვევებთან კონტაქტები, 3 შემთხვევა იმპორტირებულია, 2 შემთხვევაზე კი ეპიდკვლევა გრძელდება.
ეზუგბაიას განცხადებით, ამ დროის მონაცემებით კოვიდცენტრებში კორონავირუსის მქონე 240 პაციენტი მკურნალობს. მათ შორის 6 პაციენტის მდგომარეობა კრიტიკულია, 23-ის კი- მძიმე. დანარჩენი პაციენტების მდგომარეობა საშუალო და საშუალოზე მსუბუქი სიმძიმისაა.
კორონავირუსთან დაკავშირებით შექმნილი საინფორმაციო პორტალის, StopCov.ge-ს მონაცემების თანახმად, ამ დრომდე საქართველოში კორონავირუსის 1385 შემთხვევაა დაფიქასირებული, მათ შორის გამოჯანმრთელდა 1128 პაციენტი და გარდაიცვალა 17.