ნეტგაზეთი | საქართველოდან სამშობლოში დაბრუნებული ისრაელის მოქალაქეები კარანტინს არ გაივლიან საქართველოდან სამშობლოში დაბრუნებული ისრაელის მოქალაქეები კარანტინს არ გაივლიან – Netgazeti
RU | GE  

საქართველოდან სამშობლოში დაბრუნებული ისრაელის მოქალაქეები კარანტინს არ გაივლიან

საქართველო ერთ-ერთია იმ ქვეყნებს შორის, საიდან დაბრუნების შემდეგაც ისრაელის მოქალაქეებს სავალდებულო კარანტინის გავლა არ მოუწევთ. ინფორმაციას აღნიშნულის შესახებ ისრაელის ბიზნეს ახალი ამბების სააგენტო Globes ავრცელებს.

როგორც გამოცემა წერს, საქართველოს გარდა ამ ჩამონათვალშია ხორვატია, ბულგარეთი საბერძნეთი, დიდი ბრიტანეთი, გერმანია, ჰონგ კონგი, იორდანია, ლატვია, ლიეტუვა, ახალი ზელანდია, ესტონეთი, კანადა, რუანდა, დანია, სლოვენია და ავსტრია.

ქვეყნის ტრანსპორტის მინისტრის განცხადებით, ფრენები ამ ქვეყნებიდან ისრაელის მიმართულებით, სავარაუდოდ, 16 აგვისტოდან დაიწყება.

ქვეყნების სია კი მათ ტერიტორიაზე ახალი კორონავირუსის გავრცელების მაჩვენებლის გათვალისწინებით შეირჩა და ყოველ ორ კვირაში მათი ჩამონათვალი გადაიხედება.

გამოცემა წერს, რომ ამ ეტაპზე საზღვრების გახსნის გადაწყვეტილება უცხო ქვეყნების მოქალაქეების ისრაელში შეშვებას არ ითვალისწინებს და ის მხოლოდ ისრაელის მოქალაქეებზე ვრცელდება.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.