ნეტგაზეთი | ჩვენ აღარასოდეს გავიმეორებთ წარსულის შეცდომებს — გახარია ომის წლისთვაზე ჩვენ აღარასოდეს გავიმეორებთ წარსულის შეცდომებს — გახარია ომის წლისთვაზე – Netgazeti

ჩვენ აღარასოდეს გავიმეორებთ წარსულის შეცდომებს — გახარია ომის წლისთვაზე

პრემიერ-მინისტრი გიორგი გახარია 2008 წლის აგვისტოს ომის 12 წლისთავთან დაკავშირებით განცხადებას ავრცელებს და ამბობს, რომ ქვეყანა დგას ოკუპაციის გამოწვევის გადაჭრის მშვიდობიან გზაზე. მისი თქმით, საქართველოს მთავრობა “წარსულის შეცდომებს” აღარ გაიმეორებს.

“ჩვენ არასოდეს შევეგუებით ოკუპაციას. ჩვენ ამ გამოწვევის გადაჭრის მშვიდობიან გზაზე ვდგავართ და ამ პროცესში ჩვენ გვერდით დგანან ჩვენი საერთაშორისო პარტნიორები. ჩვენ აღარასოდეს გავიმეორებთ წარსულის შეცდომებს, რადგან კარგად ვიცით, რომ მშვიდობას ალტერნატივა არა აქვს და რომ სწორედ მშვიდობა, ერთობლივი შრომა და ეკონომიკური წინსვლა, განვითარებაა ჩვენი ქვეყნის გამთლიანების წინაპირობა.

სწორედ ამიტომ, ჩვენი ხელისუფლების არჩევანი არის მშვიდობიანი, რაციონალური და თანამიმდევრული პოლიტიკა, რომელიც აუცილებლად მიგვიყვანს საბოლოო მიზნამდე – სრულ დეოკუპაციამდე და ხელოვნურად გახლეჩილი საზოგადოებების ერთიან, დემოკრატიულ, ევროპულ სახელმწიფოში მშვიდობიან თანაცხოვრებამდე”, — წერს გახარია “ფეისბუქზე”.

აგვისტოს ომის დაწყებიდან, რასაც რუსეთის მიერ საქართველოს ტერიტორიის 20%-ის ოკუპაცია მოჰყვა, 7 აგვისტოს 12 წელი შესრულდა.

ნეტგაზეთის მასალების სხვა გამოცემებში გადაბეჭდვის წესი
ავტორი