ნეტგაზეთი | თსუ-ს რექტორის არჩევნების წინა დღეს არჩევნების გადადების მოთხოვნით აქცია გაიმართა თსუ-ს რექტორის არჩევნების წინა დღეს არჩევნების გადადების მოთხოვნით აქცია გაიმართა – Netgazeti

თსუ-ს რექტორის არჩევნების წინა დღეს არჩევნების გადადების მოთხოვნით აქცია გაიმართა

დღეს, 3 აგვისტოს, თბილისის სახელმწიფო უნივერსიტეტის რექტორის არჩევნების წინა დღეს, არჩევნების გადადების მოთხოვნით აქცია-პერფორმანსი გაიმართა. აქციის ორგანიზატორი “პროგრესის ცენტრი” იყო. როგორც ისინი აცხადებდენ, მათი მიზანი თსუ-ში რექტორის სამართლიანი და გამჭვირვალე არჩევნების უზრუნველყოფაა.

აქცია თსუ-რექტორის არჩევნების გადადების მოთხოვნით; 03 აგვისტო, 2020; ფოტო: ლიზა ჯიბლაძე/ნეტგაზეთი

აქციის მონაწილეები ასევე ითხოვენ, რომ თსუ-ს მოქმედმა რექტორმა, გიორგი შარვაშიძემ რექტორის არჩევნებზე კანდიდატურა მოხსნას, რადგან მათი თქმით, შარვაშიძის აკადემიური ნაშრომი “პლაგიატში ეჭვიმიტანილია“.

ამასთან, ორგანიზაცია ითხოვს, რომ შეიქმნას ეროვნული კომისია, რომელიც აკადემიურ კორუფციას გამოიძიებს.

შარვაშიძის გარდა აღნიშნული თანამდებობის დასაკავებლად კონკურსში გიორგი ბარამიძე და ცირა ბარამიძეც მონაწილეობენ.

აკადემიური საბჭოს მიერ რექტორობის მსურველთა განცხადებების განხილვისა და კონკურსის საფუძველზე შერჩეული კანდიდატურის არჩევის დღედ 2020 წლის 4 აგვისტო განისაზღვრა. რექტორობის კანდიდატებთან გასაუბრება გაიმართება 2020 წლის 4 აგვისტოს zoom-ის პლატფორმის გამოყენებით.
აღნიშნულ თანამდებობას გიორგი შარვაშიძე 2016 წლიდან იკავებს.
მიმდინარე წლის იანვარში მოქმედი რექტორი გიორგი შარვაშიძე პლაგიატში დაადანაშაულეს.

წაიკითხეთ ამ თემაზე ვრცლად:

პლაგიატი თუ ტექნიკური ხარვეზი? – რექტორის სადავო დისერტაცია


ავტორები: ლიზა ჯიბლაძე, ნათია ცქიფურიშვილი

ნეტგაზეთის მასალების სხვა გამოცემებში გადაბეჭდვის წესი
ავტორი