ნეტგაზეთი | ლერი სულაბერიძის საქმეზე დაკავებულ პირს ბრალი ორი მუხლით წარედგინა ლერი სულაბერიძის საქმეზე დაკავებულ პირს ბრალი ორი მუხლით წარედგინა – Netgazeti
RU | GE  
საქართველოს მთავარი პროკურატურა

ლერი სულაბერიძის საქმეზე დაკავებულ პირს ბრალი ორი მუხლით წარედგინა

პროკურატურამ ლერი სულაბერიძის საქმეზე დაკავებულ პირს ბრალი ორი მუხლით, განზრახ მკვლელობის მცდელობისა და ცეცხლსასროლი იარაღის მართლსაწინააღმდეგო შეძენა, შენახვა-ტარებისთვის წაუყენა.

“შინაგან საქმეთა სამინისტროს მიერ ჩატარებული გამოძიებით დადგინდა, რომ 2020 წლის 28 ივლისს ქ.თბილისში, წყნეთის გზატკეცილის მიმდებარე ტერიტორიაზე, ი.ღ.-მ განზრახ მოკვლის მიზნით მართლსაწინააღმდეგოდ შეძენილი ცეცხლსასროლი იარაღიდან რამდენჯერმე გაისროლა ლ.ს.-ს მიმართულებით, რომელიც საკუთარი ავტომანქანით გადაადგილდებოდა.

შინაგან საქმეთა სამინისტროს მიერ გამოძიების პროცესში ჩატარდა არაერთი საგამოძიებო მოქმედება, რა დროსაც ნივთმტკიცების სახით ამოღებულ იქნა საბრძოლო მასალა”.-წერია პროკურატურის განცხადებაში.

პოლიციამ ბრალდებული 29 ივლისს დააკავა. მას ბრალდება სისხლის სამართლის კოდექსის 19,108-ე და 236-ე მუხლის მე-3 და მე-4 ნაწილებით წარედგინა, რაც დამტკიცების შემთხვევაში 7 -დან 15 წლამდე თავისუფლების აღკვეთას ითვალისწინებს. პროკურატურის ინფორმაციითვე, სასამართლოს აღკვეთის  ღონისძიების სახით პატიმრობის შეფარდების შუამდგომლობით დღეს, 30 ივნისს, მიმართეს.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.