თბილისის ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, საქართველოში დადასტურებული კორონავირუსის 10 ახალი შემთხვევიდან ორის წყარო უცნობია.
მისი თქმით, 5 პირი ინფიცირებულია დადასტურებულ შემთხვევებთან კონტაქტით, 3 შემოტანილი შემთხვევაა, 2-ზე კი მიმდინარეობს ეპიდემიოლოგიური კვლევა კონტაქტებისა და წყაროს დადგენის მიზნით.
საქართველოში ბოლო 24 საათში კორონავირუსის 10 ახალი შემთხვევა გამოვლინდა, გამოჯანმრთელდა 3 პაციენტი. stopcov.ge-ს თანახმად, სულ საქართველოში კორონავირუსის 1049 შემთხვევა გამოვლინდა, რომელთაგან გამოჯანმრთელდა 903, ხოლო გარდაიცვალა 16 ადამიანი.