რუსთავის ცენტრალური საავადმყოფოდან კარანტიდან გადაყვანილი პაციენტი გაიქცა. როგორც ნეტგაზეთს საავადმყოფოს დირექტორმა პაპუნა ბახტაძემ უთხრა, საკარანტინო სივრციდან გადაყვანილ პაციენტს დღეს, 12 ივლისს, დილით შეატყობინეს რომ Covid-19 არ დაუდასტურდა, თუმცა ის საკარანტინო სივრცეში მაინც უნდა დაბრუნებულიყო. მისივე თქმით, პაციენტის გაქცევის შესახებ პოლიციას უკვე შეატყობინეს.
“კარანტინიდან მოიყვანეს ტესტების ჩასატარებლად პაციენტები. ამ ადამიანს, რომელიც კარანტინში საზღვრიდან მოხვდა Covid-19 არ დაუდასტურდა. უარყოფითი რომ მოვიდა.. ყველა ერთნაირი ხომ არ არის.. ზოგი ციხიდან გარბის და რუსთავის საავადმყოფო რომ დატოვოს რა გასაკვირია?! რაღაც ამბად იქცა… შემოწმებული პაციენტი, რომელიც კარანტინში უნდა დაბრუნებულიყო წავიდა… საპატრულოსაც შევატყობინეთ,”-ამბობს ბახტაძე.
ნეტგაზეთი შინაგან საქმეთა სამინისტროს დაუკავშირდა, თუმცა უწყებაში ამ საკითხზე კომენტარს არ აკეთებენ.