საოკუპაციო ძალების წარმომადგენლების მიერ სამეგრელოში, სოფელ რიყეს მახლობლად გატაცებული ახალგაზრდა კაცი თავისუფალია. ინფორმაციას ამის შესახებ სახელმწიფო უსაფრთხოების სამსახურში ადასტურებენ.
სამსახურის ცნობით, გატაცებული ახალგაზრდა ცენტრალური ხელისუფლების მიერ კონტორლირებად ტერიტორიაზე დღეს, 6 ივლისს, დაახლოებით 18:00 საათისთვის გადმოვიდა. აღნიშნულ ფაქტთან დაკავშირებით ამოქმედებული იყო ცხელი ხაზი და ინფორმირებული იყო ევროკავშირის სადამკვირვებლო მისია.
სუს-ის ცნობით, კაცის ოჯახის წევრები ამბობენ, რომ ის 3 ივლისს გაუჩინარდა.