ახალი ამბები

სურამში ცოლის მკვლელობის ბრალდებით ქმარი დააკავეს

6 ივლისი, 2020 • 1103
სურამში ცოლის მკვლელობის ბრალდებით ქმარი დააკავეს

სურამში ცოლის მკვლელობის ბრალდებით კაცი დააკავეს. ინფორმაციას ამის შესახებ საქართველოს შინაგან საქმეთა სამინისტრო ავრცელებს.

უწყების განცხადებით, ბრალდებულმა, სავარაუდოდ, ცეცხლსასროლი იარაღით სასიკვდილო ჭრილობა მიაყენა ცოლს, რომელიც შემთხვევის ადგილზე დაიღუპა.

შსს-ში აცხადებენ, რომ დანაშაულის ჩადენის იარაღი სამართალდამცავებმა ნივთმტკიცების სახით ამოიღეს, ბრალდებული კი დანაშაულს აღიარებს.

გამოძიება საქართველოს სისხლის სამართლის კოდექსის 11 პრიმა-109-ე მუხლის მე-2 ნაწილის “ვ” ქვეპუნქტით მიმდინარეობს, რაც ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს. დანაშაული 13-დან 17 წლამდე ვადით თავისუფლების აღკვეთას ითვალისწინებს.

მასალების გადაბეჭდვის წესი