სახელმწიფო უსაფრთხოების სამსახურის ინფორმაციით, საოკუპაციო ძალების წარმომადგენლებმა, სამეგრელოში, სოფელ რიყეს მახლობლად ახალგაზრდა კაცი გაიტაცეს.
უწყება ნეტგაზეთთან ამბობს, რომ აღნიშნულთან დაკავშირებით ამოქმედებულია ცხელი ხაზი, სწორედ ამ ცხელი ხაზის მეშვეობით სუს-ს გატაცების შესახებ ინფორმაცია დაუდასტურეს. ამასთანავე, სამსახური ამბობს, რომ მომხდართან დაკავშირებით ინფორმირებულია ევროკავშირის სადამკვირვებლო მისია.
კაცის გატაცების შესახებ ინფორმაცია, პირველად გუშინ, 4 ივლისს გავრცელდა.