13 ივნისს სომხეთის ჯანდაცვის სამინისტრომ ბოლო 24 საათის განმავლობაში Covid-19-ით ინფიცირების 723 და გარდაცვალების 6 ახალი შემთხვევა დაადასტურა. გამოჯანმრთელდა 442 ადამიანი.

ბოლო მონაცემებით, ქვეყანაში Covid-19-ით 16004 ადამიანია ინფიცირებული. გარდაცვლილია 264 პაციენტი. გამოჯანმრთელდა 6081 ადამიანი. ჩატარებულია 80130 ტესტირება.

As of June 13, 11:00 AM, 16004 cases of coronavirus have been confirmed in #Armenia with 6081 recoveries and 264 deaths. 9568 patients with #COVID19 are currently undergoing treatment. In total, 80130 tests have been completed.

— Ministry of Health (@MinHealth_Arm) June 13, 2020

სომხეთის პრემიერ-მინისტრმა მთავრობის 12 ივნისის სხდომაზე განაცხადა, რომ„თუ ყოველდღიურად სომხეთში 550-600 ახალი შემთხვევა გვექნება, ამ დატვირთვას ჯანდაცვის სისტემა გაუძლებს; ამავე დროს, ფაშინიანი აცხადებს, რომ არ არის გამორიცხული, ქვეყანა ისევ ჩაიკეტოს, თუკი ინფიცირებულთა ყოველდღიური რიცხვი ამ ლიმიტს გადააჭარბებს.

საქართველოს-პრემიერ მინისტრმა გიორგი გახარიამ 11 ივნისს, სომხეთის მძიმე ეპიდემიოლოგიური ვითარების ფონზე, განაცხადა, რომ საქართველოს ჯანდაცვის სამინისტროს მიეცა დავალება, მოამზადოს დახმარება, რითაც საქართველოს შეუძლია, სომხეთს გაუწიოს კორონავირუსის პანდემიასთან ბრძოლაში. პრემიერის თქმით, სომხეთის მხრიდან თხოვნა სამედიცინო პერსონალით დახმარებას შეეხებოდა.

6 ივნისს სომხეთის პრემიერ-მინისტრმა, ნიკოლ ფაშინიანმა განაცხადა, რომ ქვეყანაში ორი პაციენტი გარდაიცვალა იმის გამო, რომ რეანიმაციებში ადგილები აღარ არის.

მანვე განაცხადა, რომ ამჟამად Covid-19-ით ინფიცირებული 200-მდე პაციენტი ელოდებოდა ჰოსპიტალიზაციაზე რიგს, რადგან კლინიკებში ადგილები აღარ აქვთ.

„ეს იმას ნიშნავს, რომ ჯანდაცვის ჩვენი დღევანდელი სისტემა ისეთი დატვირთვით მუშაობს, რომ ვერ ხერხდება სამედიცინო დაწესებულებებში იმ პაციენტების მოთავსება, რომელთაც ჰოსპიტალიზაცია ესაჭიროებათ“, – თქვა მან.

ვრცლად სომხეთის ვითარებაზე:

ტესტირებისა და მკურნალობის კრიზისი სომხეთში