ნეტგაზეთი | საზმაუს ბორდის წევრობაზე 10 კანდიდატი დარეგისტრირდა საზმაუს ბორდის წევრობაზე 10 კანდიდატი დარეგისტრირდა – Netgazeti
RU | GE  

საზმაუს ბორდის წევრობაზე 10 კანდიდატი დარეგისტრირდა

საზოგადოებრივი მაუწყებლის სამეურვეო საბჭოს წევრთა სამი ვაკანტური ადგილის დასაკავებლად ათი კანდიდატი იბრძოლებს.

საქართველოს პარლამენტმა 8 ივნისს გამოაქვეყნა სია იმ ადამიანებისა, ვინც საკუთარი კანდიდატურა წარადგინა ამ პოზიციაზე. პარლამენტმა მათგან სამი კანდიდატი უნდა შეარჩიოს. ესენი არიან:

  1. ზაზა აბაშიძე — „მმართველობის მონიტორინგის ცენტრის“ დამფუძნებელი;
  2. თამარ ამაშუკელი — ხელოვნებათმცოდნე, „ტფილისის ჰამქრის“ წევრი;
  3. ნათია კაპანაძე — აჭარის საზოგადოებრივი მაუწყებლის ყოფილი დირექტორი; მას თანამდებობა იმპიჩმენტის შედეგად დაატოვებინეს;
  4. გრიგოლ (გია) მურღულია — ზოგადსაგანმანათლებლო დაწესებულებების ავტორიზაციის საბჭოს წევრი
  5. ბონდო მძინარაშვილი — მედიაკავშირი „ობიექტივის“ წამყვანი;
  6. ოთარ შაორშაძე — ჟურნალისტი; ის 2013 წელსაც იღებდა ბორდის წევრობის კონკურსში მონაწილეობას;
  7. დოდო შონავა — ჟურნალისტი, საზოგადოებრივი მაუწყებლის საზოგადოებრივ-პოლიტიკური პროგრამების სამსახურის ყოფილი უფროსი;
  8. კონსტანტინე (კოტე) ჩლაიძე — რეჟისორი, პროდიუსერი; 2014 წელსაც იყო მეურვეობის კანდიდატი;
  9. ნინო ჭალაგანიძე –  თსუ-ის სოციალურ და პოლიტიკურ მეცნიერებათა ფაკულტეტის ჟურნალისტიკისა და მასობრივი კომუნიკაციის მიმართულების ხელმძღვანელი;
  10. ზაურ ხალილოვი — „სამოქალაქო მოძრაობა მრავალეროვანი საქართველოს“ ერთ-ერთი ხელმძღვანელი;

განახლება: თავდაპირველ ვერსიაში ზაზა აბაშიძის ფოტო და მის შესახებ ცნობები არაზუსტად იყო მითითებული. საუბარია „მართველობის მონიტორინგის ცენტრის“ დამფუძნებელზე და არა ხელნაწერთა ეროვნული ცენტრის დირექტორზე, როგორც ეს თავდაპირველ ვერსიაში ეწერა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com