საგანგებო მდგომარეობის რეჟიმის დარღვევაისთვის შსს-ს მიერ გამოწერილი ჯარიმების რაოდენობამ თანხობრივად 26 463 000 ლარს გადააჭარბა. ინფორმაციას ამის შესახებ საქართველოს მთავრობა ავრცელებს.
მთავრობის ცნობით, სულ გამოვლინდა ადმინისტრაციული სამართალდარღვევის 8 737 ფაქტი, რისთვისაც 8 716 ფიზიკური და 21 იურიდიული პირი დაჯარიმდა.
მათ შორის:
- თვითიზოლაციის ან საკარანტინო სივრცის დატოვების ფაქტი – საკარანტინო სივრცეში გადაყვანილ იქნა 382, ხოლო დაჯარიმდა 144 პირი;
- მგზავრთა გადაყვანის ან მგზავრობის წესის დარღვევა – დაჯარიმდა 1 406 ფიზიკური პირი;
- მსუბუქი ავტომანქანით გადაადგილება – დაჯარიმდა 430 ფიზიკური პირი;
- 3 პირზე მეტის შეკრების ან ობიექტზე 2 მეტრის დისტანციის დაუცველობა და პირბადის გამოუყენებლობა – დაჯარიმდა 1 850 ფიზიკური პირი;
- კომენდანტის საათის დარღვევა – დაჯარიმდა 4 820 ფიზიკური პირი;
- პირადობის დამადასტურებელი დოკუმენტის გარეშე გადაადგილება – დაჯარიმდა 27 ფიზიკური პირი;
- იურიდიული პირის მიერ საგანგებო რეჟიმით აკრძალული საქმიანობის ფაქტი – დაჯარიმდა 21 იურიდიული პირი;
- ინდმეწარმის მიერ საგანგებო რეჟიმით აკრძალული საქმიანობის ფაქტი – დაჯარიმდა 39 ფიზიკური პირი (ინდ.მეწარმე).
საგანგებო მდგომარეობის რეჟიმის დარღვევისთვის ფიზიკური პირების შემთხვევაში ჯარიმა 3 000 ლარს შეადგენდა, იურიდიული შემთხვევაში კი – 15 000 ლარს.