სომხეთში COVID-19-ის დადასტურებული შემთხვევების რიცხვი დღე-ღამეში 452-ით გაიზარდა და, ჯამში, 7113 გახდა.
სომხეთის ჯანდაცვის სამინისტროს ცნობით, ამჟამად მკურნალობას 3842 პაციენტი გადის, 87 კი გარდაიცვალა. ამასთან, სომხეთი ცალკე აღრიცხავს იმ პაციენტებს [39], რომლებსაც კორონავირუსის ინფექცია ჰქონდათ, თუმცა “სხვა მიზეზებით” გარდაიცვალნენ.
კორონავირუსის გავრცელების განსაკუთრებული რისკების გამო, სომხეთის მთავრობის გადაწყვეტილებით, კარანტინი გამოცხადდა საკურორტო ქალაქ სევანში და 3 ივნისამდე ჩაიკეტა.
ამასთან, ქვეყანაში უკვე მოიხსნა გარკვეული შეზღუდვები. აღდგა საზოგადოებრივი ტრანსპორტი, გაიხსნა სავაჭრო ცენტრები, კაფეები, რესტორნები.