ნეტგაზეთი | ცხინვალში 25 სტუდენტი კარანტინიდან გაიქცა – ოსური მედია ცხინვალში 25 სტუდენტი კარანტინიდან გაიქცა – ოსური მედია – Netgazeti

ცხინვალში 25 სტუდენტი კარანტინიდან გაიქცა – ოსური მედია

რუსეთის სამხედრო სასწავლებლის 25 სტუდენტი, რომლებიც რუსეთიდან ცხინვალში ჩამოსვლის შემდეგ რესპუბლიკურ საავადმყოფოში ორკვირიან კარანტინში მოათავსეს, 20 მაისს გაიპარნენ.  ინფორმაციას ოსური მედია “სპუტნიკ-ოსეტიას” წყაროზე დაყრდნობით ავრცელებს.

მედიის ცნობითვე, სამართალდამცველებმა ისინი უკვე იპოვეს და საკარანტინო ზონაში დააბრუნეს.

ოსური მხარის ცნობით, ბოლო პერიოდში რუსეთის სამხედრო სასწავლებლებისდან ცხინვალში ვადაზე ადრე 250-მდე სტუდენტი დაბრუნდა.

დღეის, 21 მაისის ინფორმაციით,  სამხრეთ ოსეთის ტერიტორიაზე კორონავირუსის 34 შემთხვევაა დადასტურებული. ასევე, ოფიციალური ცნობითვე, თითქმის ყველა პაციენტი რუსეთის ფედერაციიდან დაბრუნებული სამხედრო სასწავლებლის სტუდენტია.

ნეტგაზეთის მასალების სხვა გამოცემებში გადაბეჭდვის წესი
ავტორი