ნეტგაზეთი | ვანო მერაბიშვილი “ნაციონალურ მოძრაობაში” იქნება – უგულავა ვანო მერაბიშვილი “ნაციონალურ მოძრაობაში” იქნება – უგულავა – Netgazeti

ვანო მერაბიშვილი “ნაციონალურ მოძრაობაში” იქნება – უგულავა

“ევროპული საქართველოს” ერთ-ერთ ლიდერის, გიგი უგულავას ინფორმაციით, შინაგან საქმეთა ყოფილი მინისტრი ვანო მერაბიშვილი “ნაციონალურ მოძრაობას” შეუერთდება.

უგულავას თქმით, ვანო მერაბიშვილს ორიოდე დღის წინ შეხვდა.

“საბოლოო ჯამში, პარტიულად ის „ნაციონალურ მოძრაობაში“ იქნება. როგორი ფორმით, რანაირად, ეს უკვე „ნაციონალური მოძრაობის საქმეა. ჩვენ მეგობრები ვართ, მაგრამ მეგობრობა სხვა რამეა, პარტიულობა – სხვა. საიდუმლო გავეცი? – მე მეგონა, ეს ყველასთვის ცხადი იყო“, – განაცხადა უგულავამ „პალიტრანიუსის“ გადაცემაში „360 გრადუსი“.

“ნეტგაზეთი” “ერთიანი ნაციონალური მოძრაობისგან” ელოდება ზემოაღნიშნული ინფორმაციის დაზუსტებას, რომელსაც მიღებისთანავე შემოგთავაზებთ.

 

.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.