ნეტგაზეთი | ბოლნისის რამდენიმე სოფელში 19 მაისიდან კარანტინის რეჟიმი უქმდება ბოლნისის რამდენიმე სოფელში 19 მაისიდან კარანტინის რეჟიმი უქმდება – Netgazeti
RU | GE  

ბოლნისის რამდენიმე სოფელში 19 მაისიდან კარანტინის რეჟიმი უქმდება

პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს გადაწყვეტილებით, ხვალიდან, 19 მაისიდან, ბოლნისის მუნიციპალიტეტის რამდენიმე სოფელში მკაცრი საკარანტინო შეზღუდვები მოიხსნება.

მთავრობის ადმინისტრაციის ინფორმაციით, კარანტინის რეჟიმი უქმდება ბოლნისის მუნიციპალიტეტის სოფლებში – ნახიდური, ფარიზი, ცურტავი, დაბა თამარისი, ხიდისყური, მუხრანა, ბალახაური და მწყნეთი.

უწყების თანახმად, გადაწყვეტილება “ეპიდემიოლოგიური ვითარების ანალიზის საფუძველზე” მიიღეს.

“აღნიშნულ სოფლებში ძალაში რჩება საგანგებო მდგომარეობით დადგენილი სხვა შეზღუდვები, რომლებიც საქართველოს მთელ ტერიტორიაზე მოქმედებს”, – აცხადებს მთავრობის ადმინისტრაცია.

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან